Fangelsuð í eyðimörkinni í tuttugu ár

Fimm ára gömul var Malika, dóttir Oufkirs hershöfðingja, tekin inn í hirð marokkósku konungsfjölskyldunnar og lifði þar prinsessulífi. En þegar hún var komin á unglingsaldur var faðir hennar tekinn af lífi fyrir þátttöku í samsæri um að ráða konunginn af dögum. Í kjölfarið voru Malika, móðir hennar og systkini fangelsuð í eyðimörkinni og við tók tveggja áratuga lífsbarátta við skelfilegar aðstæður. Svipt frelsinu segir frá ótrúlegum mannraunum og einbeittum ásetningi Maliku og fjölskyldu hennar um að öðlast frelsið á ný.

Þetta er sönn átakanleg saga um sjálfsbjargarhvöt og óbilandi hugrekki. Viðtal birtist við Maliku Oufkir í sjónvarpsþættinum 60 mínútum sem vakti mikla athygli.

Guðrún Finnbogadóttir þýddi bókina.

[Domar]

„Átakanleg, sönn saga um kjark

og seiglu við yfirþyrmandi aðstæður

– [Oufkir] tókst á við skelfileg örlög

með fádæma hugrekki og kímnigáfu.“

Oprah Book Club

„Lesandinn fyllist lotningu í garð

Maliku Oufkir sem segir sögu sína

á einfaldan en áhrifaríkan hátt.“

The Washington Post Book World

„Frábær blanda ævintýris,

hrollvekju og spennusögu.“

The Daily Telegraph

„ógnvekjandi, spennandi og grátleg – Hér er verið að fjalla um brot gegn manneskjum sem ekkert hafa til saka unnið. Forvitnilegastur er þó kaflinn sem lýsir lífinu innan konungshallarinnar þar sem fjörutíu konur búa saman í kvennabúri konungs“

Friðrikka Benónýs / Morgunblaðið

[/Domar]