Sýklafræði er ein af hliðargreinum líffræðinnar. Sýkill er samheiti yfir lífverur sem sýkja eða sýkt geta menn. Flokka má sýkla í einfrumusýkla og sníkjudýr. Sýklar, sem tilheyra einfrumusýklum, eru veirur, bakteríur og sveppir. Sníkjudýr, sem sýkja menn hérlendis, fá nokkra umfjöllun. Fjallað er um helstu sýklahópa og algenga sjúkdóma, sem þeir valda í mönnum, ásamt sjúkdómseinkennum.

Stuttlega er lýst líffræðilegum eiginleikum sýkla og hvernig þeir sýkja menn. Almennar varnir manna gegn sýklum fá ítarlega umfjöllun. Sömuleiðis er fjallað nokkuð um sóttvarnir og sýklalyf. Ítarlegir kaflar eru um ónæmiskerfið og bólusetningar. Bókin er ætluð til kennslu í mennta- og framhaldsskólum og jafnvel sumum sérskólum. Í bókinni er ítarlegur listi yfir atriðisorð