Höfundur: Bergljót Arnalds

Eina nóttina vaknar Tóta við skrýtið hljóð. Hvað getur þetta verið? Hún gægist inn í stofuna og sér lítinn og skondinn karl klöngrast út úr gömlu standklukkunni. Hann missir jafnvægið og dettur beint á rassinn. Pomsarapoms!

Tóta og Tíminn
er skemmtilegt ævintýri fyrir börn sem vilja læra á klukku. Í sögunni hittir Tóta sjálfan Tímann og klukk-urnar lifna við. Farið er í allan klukkuhringinn og lykilhugtök eru skýrð. Aftast eru léttar spurningar og leikir fyrir börnin.

Bergljót Arnalds er einn af okkar vinsælustu barnabókahöfundum og meðal bóka hennar eru Stafakarlarnir, Talnapúkinn og Rusladrekinn. Bergljót hefur gert margmiðlunarefni fyrir börn og hlotið viðurkenningu og margvísleg verðlaun fyrir störf sín.

Teikningar gerði Ómar Örn Hauksson.