Bergljót Arnalds er höfundur fjölmargra þekktra barnabóka þar sem fléttað er saman fróðleik og fjörugri sögu, má þar nefna metsölubókina Stafakarlana sem hefur heillað unga lesendur í þrjátíu ár. Bergljót hefur leikið á sviði og í kvikmyndum, komið að þáttagerð í sjónvarpi og kennt börnum bæði íslensku og leiklist. Hún hefur hlotið ýmsar viðurkenningar fyrir störf sín, þar á meðal AUÐAR-verðlaunin.