Hér er á ferðinni einstaklega skemmtilegt ævintýri um íslensku jólasveinana. Grýla gamla er orðin þreytt á því hvað börnin eru alltaf þæg og góð. Hún bregður á það ráð að koma í veg fyrir að sveinarnir komist til byggða þessi jólin til að færa börnunum gjafir í skóinn. En ýmislegt fer úrskeiðis og lendir jólasveinafjölskyldan í ótrúlegustu vandræðum og uppákomum.

Jólasveinasaga er byggð á þjóðtrúnni um þessa kostulegu séríslensku sveina. Persónueinkenni þeirra fá að njóta sín á bráðsmellinn hátt. Sagan er ríkulega myndskreytt af Frédéric Boullet. Bók sem færir jólin heim í hvert hús.

Bókin er einning fáanleg á ensku og jafnframt er til Litabók jólasveinanna sem byggir á bókinni.