Höfundur: Arnaldur Indriðason

Kona er myrt á heimili sínu og á skrifborði í íbúðinni finnst miði með símanúmeri Konráðs, fyrrverandi lögreglumanns.

Þegar málið er kannað kemur í ljós að nokkru áður hafði konan sett sig í samband við hann og beðið hann að finna fyrir sig barnið sem hún fæddi fyrir næstum hálfri öld og lét strax frá sér. Nú er Konráð miður sín yfir að hafa neitað bón hennar og einsetur sér að bæta fyrir það.

Tregasteinn er áhrifamikil og óvægin saga um skömm og örvæntingu, ákafa eftirsjá og langvarandi bergmál illra verka.

Arnaldur Indriðason hefur lengi verið helsti glæpasagnahöfundur landsins og skáldsögur hans eru orðnar tuttugu og þrjár talsins. Þær hafa verið þýddar á um fjörutíu tungumál og selst í yfir fjórtán milljónum eintaka. Arnaldur hefur hlotið fjöldamörg verðlaun og viðurkenningar fyrir bækur sínar sem njóta gríðarlegra vinsælda heima og heiman.

ATH. Rafbækur sem eru til sölu á vef Forlagsins eru af ePUB-gerð sem flestir lesarar og snjalltæki styðja. Fyrir Kindle-lestölvur er heppilegra að kaupa íslenskar rafbækur í gegnum vefverslun Amazon, allar rafbækur Forlagsins eru einnig aðgengilegar þar.

ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.

Hljóðbókin er átta klukkustundir og tuttugu mínútur að lengd. Stefán Hallur Stefánsson les.

Hér má hlusta á fyrsta kafla hljóðbókarinnar: