Það er stytta af honum á Austurvelli, mynd af honum á fimmhundruðkallinum og afmælisdagurinn hans var gerður að þjóðhátíðardegi. Hvað er svona merkilegt við þennan Jón?

Óskabarn – Bókin um Jón Sigurðsson fjallar um ævi og störf þjóðhetjunnar Jóns forseta og er ætluð börnum til skemmtunar og fróðleiks. Þetta er litrík saga ósköp venjulegs sveitastráks sem verður stjórnmálamaður í Kaupmannahöfn og lykilmaður í sjálfstæðisbaráttu Íslendinga. Um leið fjallar bókin um kosningarétt, lýðræði og byltingar í Evrópu á 19. öld.

Bókin er fagurlega myndskreytt með vatnslitamyndum eftir Sigurjón Jóhannsson auk fjölda annarra teikninga og ljósmynda. Höfundur bókarinnar, Brynhildur Þórarinsdóttir, hefur hlotið fjölmargar viðurkenningar fyrir bækur sínar, meðal annars Norrænu barnabókaverðlaunin fyrir endursögn sína á Íslendingasögunum Njálu, Eglu og Laxdælu.