Bæta á óskalistaEr á óskalista
Bæta á óskalista
Silfurgengið
| Gerð | Útgáfuár | Síður | Verð | Magn | |
|---|---|---|---|---|---|
| Innbundin | 2025 | 262 | 5.890 kr. | ||
| Rafbók | 2026 | - | 3.290 kr. |
| Gerð | Útgáfuár | Síður | Verð | Magn | |
|---|---|---|---|---|---|
| Innbundin | 2025 | 262 | 5.890 kr. | ||
| Rafbók | 2026 | - | 3.290 kr. |
Um bókina
Sirrýlei ætlar að halda gott 15 ára afmælispartí fyrir vini sína. Foreldrar hennar verða í útlöndum og planið er alveg skothelt. En smám saman flækjast málin, meira að segja amma hennar klikkar með því að gefa henni eldgamla nælu í staðinn fyrir flottu úlpuna sem hún óskaði sér.
Sirrýlei á erfitt með að halda kúlinu gagnvart vinum sínum þegar saga nælunnar og fyrri eigenda hennar, Silfurgengisins, nær tökum á henni. Bestu vinkonur hennar botna ekkert í henni og ekki batnar það þegar Sirrýlei velur nördalegasta áfangann í skólanum og lendir þar í hópi með stórundarlegum krökkum, meðal annars nýja stráknum með skrýtna nafnið og skyrhárið!
Silfurgengið er grípandi saga um vináttu og óvænt örlög. Brynhildur Þórarinsdóttir er margverðlaunaður höfundur barna- og unglingabóka og hlaut meðal annars Norrænu barnabókaverðlaunin fyrir endursagnir sínar á Íslendingasögunum Njálu, Eglu og Laxdælu.
6 umsagnir um Silfurgengið
Fanney Benjaminsdottir –
„Silfurgengið á erindi við bæði ungmenni og fullorðna, hún hélt mér gjörsamlega, það er langt síðan ég hef lesið sögu á borð við þessa sem teygir þræði sína í svona margar áttir.”
Rebekka Sif / Lestrarklefinn
Fanney Benjaminsdottir –
„…spennandi ”
Ragnheiður Birgisdóttir / Morgunblaðið
Fanney Benjaminsdottir –
Unglingabók ársins 2025
Morgunblaðið
Fanney Benjaminsdottir –
„… frábær skemmtun sem auðvelt er að mæla með … margslungin … fléttar saman ólík sögusvið á meistaralegan hátt”
Unnur Steina K. Karls / Heimildin
Fanney Benjaminsdottir –
„Silfurgengið er afbragðsvel skrifuð ungmennabók um uppruna, fjölskyldu og vináttu. Sagan teygir sig aftur til hörmungartíma og landflótta á nítjándu öld og fram á okkar daga og segir frá unglingsstúlku sem einsetur sér að teikna upp ættartré í tengslum við gamalt silfurmen sem fylgt hefur konum ættarinnar og gengið frá móður til dóttur – silfurgengisins.
Söguhetja okkar verður margs vísari um erfiðleika fyrri tíma og eins að allir tímar bera með sér sín vandamál.“
Árni Matthíasson / RÚV
Fanney Benjaminsdottir –
Því fylgir ólga að vera fimmtán ára og í Silfurgenginu dregur Brynhildur Þórarinsdóttir upp hjartnæma mynd af táningnum Sirrylei. Hún tekst á við stóru málin í lífinu: partýhald, stráka- og vinkvennamál ásamt því að leggjast yfir ættfræði með nördunum. Kveikjan að því er nælan sem amma gaf henni í afmælisgjöf og segir sögu þriggja kynslóða Sigríða. Silfurgengið er einlæg og spennandi saga sem sýnir lesandanum það sem hefur breyst og það sem er alltaf eins.
Úr umsögn dómnefndar Fjöruverðlauna