Höfundur: Brynhildur Þórarinsdóttir

Fjórir krakkar, þau Tommi, Anna, Harri og Valdís, kynnast í skólabúðum að Reykjum í Hrútafirði. Þar eiga sjöundubekkingar frá Reykjavík og Akureyri að dvelja saman í heila viku en strax á fyrsta degi fara undarlegir atburðir að gerast.

Dularfullur skuggi, gamalt veggjakrot, draugasögur og fleira verður til þess að vekja forvitni krakkanna fjögurra sem leggja ýmislegt á sig til að afhjúpa leyndarmál staðarins. Úti geisar stórhríð og rafmagnsleysi gerir stemninguna í skólabúðunum enn magnaðri.

Bókin hlaut Íslensku barnabókaverðlaunin árið 2004.