Öll tengjumst við skólum landsins með einhverju móti – sem nemendur, starfsmenn, foreldrar, skattgreiðendur. Og öll höfum við skoðanir á því starfi sem unnið er í skólakerfinu.
Í þessari bók fjallar hinn margreyndi skólamaður Sölvi Sveinsson um skólana sem nemandi, kennari og skólastjóri og segir sögur af mönnum og málefnum. Hann fjallar um menntakerfið vítt og breytt og spyr spurninga: Hvað er góður kennari? Hvað gerir skólastjóri? Hvað er menntun? Hvað er góður skóli? Hvað er framundan? Hann skoðar námskrár, bæði opinberar og óskrifuðu námskrána, og stiklar á stærstu steinunum í sögu skóla fyrr á tíð, fjallar um löggjöf um skólana, skipulag þeirra, samræmd próf, fjarnám og margt fleira.

Bókin er skrifuð á lifandi máli, krydduð persónulegum frásögnum og kveðskap.