Höfundur: Óskar Guðmundsson.

Á frosthörðum vetrardegi hringir kornung stúlka í Neyðarlínuna og tilkynnir að móðir hennar sé látin. Þegar lögreglan kemur á staðinn er þar ekkert að finna nema blóðbletti.

Rannsóknarlögreglukonan Hilma er kölluð á staðinn og hefst þá æsilegt kapphlaup við tímann um að finna stúlkuna og móður hennar sem leiðir Hilmu og félaga hennar á óvæntar slóðir og inn í myrkustu kima mannskepnunnar.

Hilma – fyrsta bók Óskars Guðmundssonar – fékk frábærar viðtökur og verðskuldaða athygli. Hún hlaut Blóðdropann árið 2016 sem besta glæpasagan og var tilnefnd til Glerlykilsins sem besta glæpasaga á Norðurlöndum. Þá hlaut hún einnig Tindabikkjuna sem besta glæpasaga ársins sem Glæpafélag Vestfjarða veitir.

Blóðengill sýnir svo ekki verður um villst að Óskar Guðmundsson hefur skipað sér í fremstu röð íslenskra glæpasagnahöfunda.