Höfundur: Ragna Sigurðardóttir

Borg sem kom út 1993 er fyrsta skáldsaga Rögnu Sigurðardóttur. Hún var tilnefnd til Íslensku bókmenntaverðlaunanna og þótti nýstárlegt og spennandi byrjandaverk. Þetta er saga þriggja ungmenna sem búa í Reykjavík, þó er það ekki síst borgin sjálf, í senn kunnugleg og framandi, sem er aðalpersóna bókarinnar. Stíllinn og frásagnaraðferðin minna oft á kvikmyndir, og það á líka við um síðari bækur Rögnu.