Útreiðartúrinn
| Gerð | Útgáfuár | Síður | Verð | Magn | |
|---|---|---|---|---|---|
| Innbundin | 2025 | 270 | 4.990 kr. | ||
| Rafbók | 2025 | - | 4.290 kr. |
| Gerð | Útgáfuár | Síður | Verð | Magn | |
|---|---|---|---|---|---|
| Innbundin | 2025 | 270 | 4.990 kr. | ||
| Rafbók | 2025 | - | 4.290 kr. |
Um bókina
Útreiðartúrinn er áhrifarík samtímasaga með djúpar rætur í fortíðinni. Þetta er saga af flóknu feðgasambandi og af vináttu sem ekki er öll þar sem hún er séð; ljúfsárt og heillandi ferðalag um gamlar og nýjar slóðir.
Sævar er myndskreytir og nýfluttur með fjölskyldu sína út á Álftanes, þar sem hann sækir myndefni sitt í lífríki fjörunnar. Hann kann strax vel við sig í kyrrðinni og náttúrufegurðinni en Pétur, sonur hans á unglingsaldri, er ósáttur við breytinguna og lengur að sætta sig við nýtt umhverfi. Pétur er mátulega búinn að eignast vini og farinn að blómstra þegar hópur drengja gerir fólskulega árás á þá félagana að kvöldlagi og slasar besta vin hans.
Lögreglan tekur í kjölfarið við rannsókn málsins en lítið gengur að upplýsa það. Sævar er bugaður af áhyggjum af syni sínum en árásin rifjar auk þess bæði upp tregablandna sumardvöl Sævars sjálfs hjá afa sínum og ömmu á nesinu á níunda áratugnum og morðmál frá 19. öld sem forfaðir hans var flæktur í. Þá skýtur skyndilega upp kollinum á netinu myndband af árás drengjanna og málið tekur óvænta og óhugnanlega vendingu.
7 umsagnir um Útreiðartúrinn
Jón Gunnarsson –
„Útreiðartúrinn glímir á hugvekjandi hátt við sömu sígildu spurningar, með djúpstæðri tengingu við land og sögu, sekt og skömm. Persónur sögunnar í nútímanum reyna að fóta sig í grimmum heimi alveg eins og forfeðurnir, þar sem gildin eru fljótandi, sannleikurinn og siðferðið líka. Áður fyrr var það samfélagsgerðin sem gróf undan jafnræði, staðfestu og heilindum, núna er það fjarveran og afskiptaleysið.”
Steinunn Inga Óttarsdóttir / skald.is
Fanney Benjaminsdottir –
„… ótrúlega góður stílisti, látlaus en algjör lauma. Bókin fjallar um flókið feðgasamband, er ljúfsár og heillandi og skilur held ég engan eftir ósnortinn. Alveg óhætt að mæla með þessari … ótrúlega fersk. Bók sem mætti gjarnan rata á hvíta tjaldið.“
Júlía Margrét Einarsdóttir / RÚV
Fanney Benjaminsdottir –
Kristján Jóhann Jónsson / Morgunblaðið
Fanney Benjaminsdottir –
„Það er svo mikil dýpt í þessum lýsingum. Þær eru algerlega frábærar … mjög vel gert.”
Kolbrún Bergþórsdóttir / Kiljan
Jón Gunnarsson –
„Það er mikil og marglaga örlagasaga, ástarsaga og samfélagssaga sem drífur þetta verk áfram – virkilega snjöll og margræð flétta um sekt, ábyrgð og vald, þvert á tíma og rúm. Allir hnútar eru tryggðir með sannfærandi hætti í lokin. Ég hvet alla sem höfðu gaman af sjónvarpsseríunni margrómuðu Adolescence (þótt þetta sé allt annað plott) til að vinda sér í Útreiðartúrinn, því þótt efnið sé alvarlegt stenst það svo sannarlega öll viðmið um áhrifamikinn skemmtilestur.”
Fríða Björk Ingvarsdóttir
Jón Gunnarsson –
„Nútímann skiljum við ekki nema í gegnum fortíðina og fortíðina skiljum við ekki nema í gegnum nútíðina. Akkúrat þetta spottar rithöfundurinn Ragna Sigurdardottir svo listilega vel að maður fær hrifnaðarhroll upp handleggina og kvíða/spennusting í magann við lestur nýjustu bókar hennar, Útreiðartúrsins. Hún spinnur úr þessu örfínan vef (næstum úr handlituðu kambgarni) sem heltekur lesandann þannig að ég las bókina eða réttara sagt gleypti hana í mig í tveimur flugum, alla leið til Afríku. Vitaskuld hafði ég væntingar eftir að hafa lesið Vetrargulrætunar og Þetta rauða, þetta er ástin…. en hrifningin nú fór á annað plan. Við erum heldur betur komin með kanónu íslenskra bókmennta hér, bók sem verður lesin í skólum og gæti rutt öðrum til hliðar.”
Margrét Jónsdóttir Njarðvík
Fanney Benjaminsdottir –
„Stígandinn í bókinni er hægur og Ragna skrifar sem fyrr af fágun og yfirvegun, flugeldalaust, svo það kemur manni sjálfum ekki minnst á óvart þegar maður er alltíeinu farinn að ofanda … Hnotskurn: Hræðileg bók (sérstaklega fyrir fólk sem á eða hefur átt eða ætlar að eiga unglinga) en framúrskarandi skáldsaga.”
Eiríkur Örn Norðdahl / Fjallabaksleiðin