Carl Mørck hefur sagt skilið við lögregluna og einbeitir sér að glæpasagnaskrifum en gamla starfið eltir hann uppi: Hann fær í hendur hljóðupptöku sem varpar nýju ljósi á óhugnanlegt mál sem talið var leyst fyrir löngu og lætur sína fyrri félaga í Deild Q vita.

Í deildinni eru nú aðeins eftir Assad og Rose – og nýja konan, Helena, sem er einkennilega spör á upplýsingar um fortíð sína. En fleiri eiga sér leyndarmál og sum þeirra eitra út frá sér; gamlar misgerðir gleymast ekki heldur verða uppspretta beiskju og grimmilegs hefndarþorsta.

Bækurnar um Deild Q hafa farið sigurför um heiminn. Með þessari sögu gengur bókaflokkurinn í endurnýjun lífdaga eftir starfslok Carls Mørck, en hér leggja þær Line Holm og Stine Bolther hönd á plóg með sagnameistaranum Jussi Adler-Olsen og saman leiða þau deildina á vit nýrra tíma. Jón Hallur Stefánsson þýddi.