Ef þú, lesandi góður, ert ekki mikið fyrir ískrandi spennu, ósvífna glæpona og ógnvekjandi mömmu þeirra þá færðu nú færi á að forða þér. Leggðu bókina varlega frá þér, læðstu út úr búðinni eða skríddu undir sængina og gleymdu því að þú hafir nokkru sinni heyrt um vinina Lísu og Búa, brjálaða prófessorinn Doktor Proktor og einstaka hæfileika þeirra til að koma sér í klípu.

Jo Nesbø er heimsfrægur fyrir að skrifa óhuggulegar glæpasögur fyrir fullorðna en í Doktor Proktor og gullránið mikla fær hann útrás fyrir sprellið í hjarta sínu. Lestrargráðug börn í 38 löndum fagna hverri nýrri sögu en þessi er sú fjórða í röðinni.

Jón St. Kristjánsson þýddi.

ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.

Hljóðbókin er 4 klukkustundir og 48 mínútur að lengd. Vignir Rafn Valþórsson les.