Það er verið að endurrita veraldarsöguna, án þess að nokkur sé var við það… enn sem komið er!

Kvöld eitt er Mortensen boðið að sjá djásnið í veglegu safni: fallega myndskreytt handrit frá árinu 1512.

Þegar Mortensen sér teikningu af flugvél á einni síðunni, veit hann að eitthvað dularfullt er að verki. Með tímabyssu sinni ferðast hann aftur í tímann – til Skotlands á miðöldum – í leit að svari.

Með aðstoð fræðimanns og mállausrar nornar fara hlutirnir að taka á sig mynd, en ekkert þeirra getur svarað spurningunni: Hvernig gat flugvél brotlent á miðöldum?

Árni Beck Gunnarsson þýddi.