Höfundar: Lee Child, Ragna Sigurðardóttir þýddi

Hvers vegna er þorpið kallað Mother‘s Rest? Enginn getur svarað því. Það er hálffalið á víðáttum sléttunnar, þar er járnbrautarstöð og þögult og þungbúið fólk ásamt hinni áhyggjufullu Michelle Chang sem óttast mjög um líf horfins samstarfsmanns.

Jack Reacher er bara á ferðinni eins og venjulega en það er eitthvað við Chang sem verður til þess að hann staldar við, spyrst fyrir um félaga hennar. Og þá kemur ýmislegt upp úr kafinu … Fyrr en varir liggur leiðin til Los Angeles, Chicago, Phoenix, San Francisco og um leynda afkima netsins; á hverju horni leynast óþokkar og morðingjar. Það væri auðveldast að forða sér en það hvarflar ekki að Reacher.

Lee Child er einn vinsælasti spennusagnahöfundur í heimi. Engin málamiðlun er tólfta bókin um naglann Reacher sem kemur út á íslensku.

Ragna Sigurðardóttir þýddi.