Höfundur: Lee Child

Í bandarískri borg er skotum hleypt úr riffli. Fimm manns liggja í valnum. Skelfing grípur um sig en innan fárra stunda hefur lögreglan hendur í hári skotmannsins. Sönnunargögnin eru óhrekjanleg og málið liggur ljóst fyrir – að frátöldu einu smáatriði. Fanginn hefur bara eitt að segja: „Náið í Jack Reacher fyrir mig.“

Einfarinn Reacher leitar ekki uppi vandræði en þau leita hann uppi. Og þegar hann fréttir af handtöku mannsins mætir hann á vettvang – en ekki til að bera vitni um sakleysi hans. Þvert á móti. Þó er eitthvað sem ekki stemmir . . .

Lee Child er einn vinsælasti spennusagnahöfundur heims og hefur slegið rækilega í gegn á Íslandi. Nú er söguhetja hans, töffarinn Reacher, að koma á hvíta tjaldið, en Eitt skot er sagan sem kvikmyndin Jack Reacher er byggð á.

Nanna B. Þórsdóttir þýddi.