Þú ert hér://Englar dauðans

Englar dauðans

Höfundur: Þráinn Bertelsson

Æsispennandi glæpasaga eftir Þráin Bertelsson þar sem hann vefur listilegan vef um heim fíknar og ofbeldis.

Þrír grímuklæddir menn kveikja í amfetamínverksmiðju í Eistlandi og skilja eftir sig blóði drifna slóð – og krot sem minnir á rúnaletur.

Í Hollandi finnast mannslík með rúnaristum. Þar eru Víkingur yfirlögregluþjónn og Þórhildur réttarlæknir, kona hans, að leita að Magnúsi sem er eiturlyfjaneytandi og sonur Þórhildar. Þau neyðast til að flýta heimför sinni því að í sumarbústað við Þingvallavatn finnast lík þriggja manna sem hafa verið myrtir á hryllilegan hátt.

Þráinn Bertelsson er rithöfundur og kvikmyndagerðarmaður. Hann hefur skrifað fjölda bóka, nú síðast Einhvers konar ég, þar sem hann segir á einstaklega einlægan og áhrifamikinn hátt frá bernsku sinni og árunum fram til stúdents, og spennusögurnar Dauðans óvissi tími og Valkyrjur sem hlutu mikið lof og gríðarlega góðar viðtökur.

Meðal mynda Þráins má nefna hinar óborganlegu gamanmyndir Nýtt líf, Dalalíf og Löggulíf, myndina sívinsælu um Jón Odd og Jón Bjarna og sjónvarpsþættina Sigla himinfley sem voru gerðir upp úr samnefndri sögu og sýndir í Ríkissjónvarpinu 1994.

ATH. Hljóðbókin er streymishljóðbók (Streymi) sem er afhent rafrænt og hægt er að hlusta á beint í gegnum app Forlagsins eða vafra. Hér má lesa meira um hljóðbækur í streymi.

Hljóðbókin er um 11 klukkustundir í hlustun.

Höfundur les.

Frá 690 kr.

Gerð SíðurÚtgáfuárVerðMagn
Kilja 339 2007 Verð 2.205 kr.
Streymi - 2018 Verð 690 kr. Setja í körfu
Vörunúmer: Á ekki við

Sækja í verslun: Frítt

Sendingargjald: Frá 590 kr.

Flokkar: / / / / / /

8 umsagnir um Englar dauðans

  1. Elín Pálsdóttir


    „Þráinn Bertelsson er þrælvanur penni og frásögnin afslöppuð og fljótandi. Lýsingar á atvikum og aðstæðum verða ljóslifandi í hugum lesenda … Allar persónur eru vandlega smíðaðar og raunverulegar … Englar dauðans er spennandi saga. Henni er greinilega ætlað að vekja lesendur til umhugsunar og skilja þá eftir upplýstari um skelfilegar afleiðingar neyslu eiturlyfja og áfengis en áður. Í henni er saga um sorg og sár vonbrigði fléttuð við hrottalega glæpasögu og sagnfræðilegar staðreyndir.“
    Hildur Heimisdóttir / Fréttablaðið

  2. Elín Pálsdóttir

    „Þráinn Bertelsson er meistari frásagnarlistarinnar. Harka hans og gagnrýni í spennusögunum er holl trefjamáltíð fyrir fólk í velmegunarvanda. Sagan er spennandi, en jafnframt fallega mannleg og hlý, mitt í öllum þeim hörmungum og viðbjóði sem dynja yfir lesandann.“
    Börkur Gunnarsson / Viðskiptablaðið

  3. Elín Pálsdóttir

    „Þessi … saga á djúpstætt erindi og er skrifuð af mikilli persónulegri tilfinningu. Glæpafléttan í Englum dauðans er snilldarlega unnin og ekki er ljóst fyrr en á lokasíðum hvernig þræðirnir koma saman og við getum andað léttar.“
    RÚV / Rás 1

  4. Elín Pálsdóttir

    „Ég mæli eindregið með þessari bók. Hún sýnir okkur hvernig heimurinn er á Íslandi í dag – miskunnarlaust og umbúðalaust.“
    Sigmundur Ernir Rúnarsson / Mannamál / Stöð 2

  5. Elín Pálsdóttir

    „Ég fékk næstum samviskubit yfir því að hafa haft svo mikla ánægju af lestri bókar Þráins. Hún er afar spennandi og ég skemmti mér vel. Það dóu margir, sem mér finnst bara betra … svo er í henni lunkinn húmor.“
    Kolbrún Bergþórsdóttir / 24 stundir

  6. Elín Pálsdóttir

    „Skyldulesning fyrir þá sök að Þráinn fjallar á sannari og næmari hátt en nokkur
    annar rithöfundur um mál sem snertir líf og dauða og segir sögu þeirra
    fórnarlamba sem er alla jafnan lítill gaumur gefinn.“
    Pétur Gunnarsson / Eyjan.is

  7. Elín Pálsdóttir

    „Spennandi bók, þar sem kómísk kaldhæðni höfundar og grafalvarlegur undirtónn takast á á áhrifaríkan hátt.“
    Birna Karlsdóttir / SFR-BLAÐIÐ

  8. Elín Pálsdóttir

    „Stíll Þráins er léttur og leikandi, samtöl stundum fyndin, ekki síst mörg tilsvör lögreglumannsins, Terjes … Í Englum dauðans nær Þráinn ágætu flugi og frásagnargleðin er mikil … Bókin er kröftug, spennandi og umhugsunarverð. Verst hvað hún er fljótlesin. Maður hefði viljað smjatta á svona góðum texta í allan vetur.“
    Ingvi Þór Kormáksson / bokmenntir.is

Skrifa umsögn

Netfang þitt verður ekki birt. Nauðsynlegir reitir eru merktir *

Eftir sama höfund