Þú ert hér://Gleðigjafinn: Verum öðrum gleðigjafar og leggjum inn á lífshamingjubókina – rafbók

Gleðigjafinn: Verum öðrum gleðigjafar og leggjum inn á lífshamingjubókina – rafbók

Höfundur: Þráinn Þorvaldsson

Jákvætt hugarfar og góð mannleg samskipti eru einir af mikilvægustu þáttum lífsins í sköpun hamingjuríks lífs að dómi höfundar Gleðigjafans. Í hraða nútímans virðast þessi tvö gildi oft gleymast.

Höfundurinn Þráinn Þorvaldsson hefur lengi haft áhuga á mannlegum samskiptum og jákvæðni í lífinu og einnig hvernig mæta skal erfiðleikum í lífinu. Hann lítur svo á að erfiðleikana í lífinu sem við mætum beri að skoða sem verkefni sem okkur er ætlað að leysa til aukins þroska. Í fjölbreyttum störfum sínum í atvinnulífinu, félagsstörfum og í daglegu lífi hefur hann kynnst bæði góðum hliðum og slæmum í mannlegum samskiptum og mismundandi lífsviðhorfum fólks. Hann hefur oft séð dæmi þess hvernig neikvæð viðhorf og skortur á góðum mannlegum samskiptum gerir líf margs fólks bæði í einkalífi og á vinnustöðum snauðara.

Höfundur telur að við séum meiri gæfusmiðir í þessu tilliti í lífinu en við gerum okkur grein fyrir. Sjálfum sér til gamans hefur hann sett upp og safnað hugmyndum um hvernig mæta má ýmsum erfiðum aðstæðum í lífinu og öðrum hugmyndum sem auðgað geta líf okkar. Þráinn hefur valið nokkrar þessara reglna sem hann nefnir Hamingjureglurnar 12. Reglunum hefur hann lýst og sett saman í litla bók sem hann nefnir Gleðigjafann. Væntingar eru um að Gleðigjafinn geti leitt til aukinnar gleði og lífshamingju bæði fyrir þann sem veitir og hinn sem þiggur. Reglurnar eru settar fram í stuttu mál og tengdar myndrænni framsetningu með það í huga að þegar lesandinn mætir tilteknum aðstæðum komi líkingin fram í hugann og minni á efni greinarinnar.

Gleðigjafinn er rafbók sem lesa má og geyma í hinum ýmsu lestækjum. Hún getur vonandi einnig verið uppfletti bók. Það er von höfundar að efni Gleðigjafans geti orðið öðrum en honum sjálfum til stuðnings í leit að gleðilegra og hamingjuríkara lífi.

Hamingjureglurnar 12

Lífsgleði:
Hamingjubókin – Leggjum daglega inn á lífshamingjubókina
Blómahillan – Fyllum áhyggjuhilluna með blómum
Ferðalagið – Njótum þess smáa í lífinu og lítum okkur nær
Dalurinn – Göngum sólarmegin í dal minninganna

Umhyggja:
Varðan – Hlöðum jákvæðisvörður í hjónabandinu
Sólargeislinn – Opnum fyrir sólstafi í erfiðleikum annarra
Ræktin – Lítum á erfiðleika sem þroskarækt
Ullarteppið – Tökum þétt utan um hvert annað

Samskipti:
Gluggarúðan – Rispum ekki rúðurnar
Sprautunálin – Mýkjum áður en ávítum
Hýðið – Lítum inn fyrir hýðið áður en við dæmum
Bergmálið – Hlustum á tilfinningar annarra

Verð 990 kr.

Gerð SíðurÚtgáfuárVerðMagn
Rafbók - 2019 Verð 990 kr.
Vörunúmer: Á ekki við

Sækja í verslun: Frítt

Sendingargjald: Frá 590 kr.

Flokkar: / / /