Vegleg útgáfa í tilefni yfirlitssýningar á verkum Guðmundar Thorsteinssonar – Muggs er komin út hjá Listasafni Íslands. Bókin inniheldur aðfaraorð Hörpu Þórsdóttur, safnstjóra, ítarlega grein eftir Kristínu G. Guðnadóttur sýningarstjóra, grein eftir Rakel Pétursdóttur sérfræðing hjá Listasafni Íslands og grein eftir Guðrúnu Baldvinsdóttur bókmenntafræðing. Þá inniheldur bókin ljósmyndir af úrvali listaverka eftir Mugg.

Falleg útgáfa um íslenska myndlist sem listunnendur ættu ekki að láta framhjá sér fara!