Þú ert hér://Hin eilífa þrá

Hin eilífa þrá

Höfundur: Guðbergur Bergsson

Hin eilífa þrá er lygileg prakkarasaga og harmræn dæmisaga um Íslendinga samtímans.

Lesendur eru leiddir inn í regnfatagerðina Iceland Rain í iðnaðarhverfi í Reykjavík. Þar eiga allir sér sameiginlegan draum um skjótfenginn auð. Hvað býr að baki þessum draumi? Hver er hin eilífa þrá?

Guðbergur Bergsson hefur löngum kortlagt íslenskan veruleika í verkum sínum. Þótt sögusviðið sé nú merkt hinu upplýsta, tæknivædda, alþjóðlega og siðmenntaða nútímasamfélagi berast persónur enn grímulaust á banaspjót. Í þessari sögu brotnar allt sem prýða má mannlegt samfélag í svellköldum öldum klámfenginnar sölumennsku.

Verð 2.065 kr.

Gerð SíðurÚtgáfuárVerðMagn
Mjúkspjalda 270 2012 Verð 2.065 kr.
Vörunúmer: Á ekki við

Sækja í verslun: Frítt

Sendingargjald: Frá 590 kr.

Flokkar: /

1 umsögn um Hin eilífa þrá

  1. Kristrún Heiða Hauksdóttir

    „Hin óborganlega lygadæmisaga Guðbergs sem kom út á áttræðisafmæli snillingsins rústar öllu sem maður vildi hafa í skáldverki. Framvindan er hæg, persónur ógeðfelldar, efniviðurinn rotþró og forarvilpur fullar af fordómum, fyrirlitningu og klisjum. Sagan hefur einstakan, kaldranalegan og beittan húmor, stíllinn einkennist af ýkjum og grótesku. Í verkinu er kaldranalegur tónn, samtöl og tilsvör eru óborganleg, senur neyðarlegar og ádrepan miskunnarlaus. … ekkert er heilagt og engum hlíft, allt er yfirgengilegt og óborganlegt, háðskt og meinhæðið, sett fram til að hneyksla mann og ergja. Og það er gott, þetta er ekki saga sem maður les til að sættast við tilveruna.”
    Steinunn Inga Óttarsdóttir

Skrifa umsögn

Netfang þitt verður ekki birt. Nauðsynlegir reitir eru merktir *