Krakkarnir í BÖ-bekknum eru að jafna sig á öllu sem dunið hefur yfir undanfarið og Engilbert kennari var sem betur fer blásaklaus. Vinskapur Óla Steins og Axels er traustur og ekkert getur komið upp á milli þeirra … eða hvað? Óvænt afbrýðisemi skýtur upp kollinum og einhver er með hræðileg og háleynileg áform sem munu breyta þessu öllu. Lífshætta steðjar að krökkunum og þau þurfa að glíma við leyndarmál og svik. Enn á ný reynir á samvinnu bekkjarfélaganna og ekki síst þeirra Óla Steins og Axels.

HVeR ER beta Max?

HVaðan komu öll þessi mannabein?

HVað vakir fyrir Rúti?

– er hægt að lifa af þegar maður er tekinn sem gísl?