Fyrir þremur árum fékk Saga Bauer póstkort sem sagði frá byssu með níu hvítum byssukúlum – þar af einni sem ætluð var Joona Linna. Á póstkortinu kom fram að Saga væri sú eina sem gæti bjargað Joona. Árin liðu og með tímanum missti hótunin brodd sinn og varð að merkingarlausri ögrun. Þar til nú.

Dularfullur poki finnst bundinn uppi í tré. Í pokanum er næstum uppleyst lík og mjólkurhvítt byssuskot finnst á morðstaðnum. Um svipað leyti tekur rándýrið að senda lögreglunni flóknar gátur en með því að ráða þær má mögulega koma í veg fyrir raðmorð. Joona Linna og Saga Bauer taka höndum saman við að leysa þrautirnar og keppast við að bjarga fórnarlömbunum áður en það verður um seinan. Morðin hrannast upp og gáturnar verða sífellt óskiljanlegri. Hver er þessi raðmorðingi og hvernig tengist hann Joona og Sögu? Hefur köngulónni tekist að flækja þau í vef sinn?

Lars Kepler er einn vinsælasti glæpasagnahöfundur Svíþjóðar en æsispennandi sögur hans hafa heillað lesendur víða um heim. Köngulóin er níunda bókin um finnsk-sænska lögreglumanninn Joona Linna og eltingarleik hans við illvíga glæpamenn og morðingja í Stokkhólmi.

Köngulóin var mest selda bókin í Svíþjóð árið 2022.

Hilmar Helgu- og Hilmarsson þýðir.

ATH. Spurt og svarað um rafbækur.

ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.

Hljóðbókin er 16 klukkustundir og 56 mínútur að lengd. Kristján Franklín Magnús les.