Höfundar: Jóna Valborg Árnadóttir, Elsa Nielsen

Kormáksbækurnar spegla veruleika íslenskra leikskólabarna og Kormákur glímir við hinu ýmsu viðfangsefni, allt frá því að skilja hvers vegna má ekki vera í krummafót að því að finna leið til að eignast gæludýr þótt heimilismeðlimir kunni að vera með ofnæmi.

Einn, tveir og Kormákur
Kormákur hefur gaman af tölum. Svo gaman að hann telur allt sem fyrir augum ber. Oft og mörgum sinnum. En hvað gerir Kormákur þegar eitthvað virðist óendanlega mikið? Er hægt að telja upp í endalaust? Með smá hjálp áttar Kormákur sig á því að það má alltaf finna svar þó stórt sé spurt.

Kormákur krummafótur
Kormákur er duglegur strákur. Hann klæðir sig meira að segja alveg sjálfur. Mamma og Kormákur eru hins vegar ekki alltaf sammála. Það getur valdið vandræðum. Óteljandi skór hrúgast upp og mamma fær hugmynd sem á eftir að breyta öllu.

Kormákur krummafótur er falleg saga um dreng sem vill fara sínar eigin leiðir

Kormákur dýravinur
Kormák hefur lengi dreymt um að eignast gæludýr. En þar sem pabbi er með ofnæmi lítur ekki út fyrir að honum muni nokkru sinni verða að ósk sinni. Undur og stórmerki gerast og draumur Kormáks rætist. Þá kemur upp vandamál sem Kormákur þarf hjálp við að leysa.

Kormákur leikur sér
Kormáki finnst gaman að leika sér. Þegar Finna frænka kemur í heimsókn með óvæntan glaðning færist fjör í leikinn. Kormákur bregður sér í alls konar gervi en Finna frænka hefur eitthvað annað og meira í huga.