Bæta á óskalistaEr á óskalista
Bæta á óskalista
Listasafnið
| Gerð | Útgáfuár | Síður | Verð | Magn | |
|---|---|---|---|---|---|
| Innbundin | 2012 | 201 | Original price was: 3.290 kr..690 kr.Current price is: 690 kr.. | ||
| Rafbók | 2021 | 990 kr. | |||
| Hljóðbók - streymi | 2022 | App | 1.490 kr. |
| Gerð | Útgáfuár | Síður | Verð | Magn | |
|---|---|---|---|---|---|
| Innbundin | 2012 | 201 | Original price was: 3.290 kr..690 kr.Current price is: 690 kr.. | ||
| Rafbók | 2021 | 990 kr. | |||
| Hljóðbók - streymi | 2022 | App | 1.490 kr. |
Um bókina
Uppsetning Forngripasafnsins og Náttúrugripasafnsins heppnaðist vel. Nú er bara efsta hæðin eftir og þar á Listasafnið að vera. En uppi er allt í drasli og fátt til að sýna annað en ómerkileg málverk og ljótar styttur.
Pabbi Rúnars fær tilboð um vinnu í útlöndum og biður því mömmu hans að koma frá New York og ljúka verkinu. Til þess fær hún aðstoð úr ýmsum áttum – frá óvenjulegum vinum nær og fjær, krökkunum í Ásgarði og dularfullum fyrirbærum náttúrunnar.
Listasafnið er þriðja bókin í spennandi bókaflokki eftir Sigrúnu Eldjárn sem 8–12 ára bókaormar gleypa í sig með ánægju.
ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.
Hljóðbókin er 3 klukkustundir og 2 mínútur að lengd. Kristinn Óli S. Haraldsson les.
5 umsagnir um Listasafnið
Bjarni Guðmarsson –
„Listasafnið er á heildina litið fjörlega og vel skrifuð skáldsaga, uppfull af ímyndunarafli og stuði, og myndirnar – sem eru fjölmargar – gera bókina enn skemmtilegri. … ágætur lokahnykkur í dágóðum þríleik …“
Helga Birgisdóttir / spassian.is
Bjarni Guðmarsson –
„Okkur mæðgum fannst söguþráðurinn spennandi og við vorum báðar æstar í að fá að vita hvernig allt færi … Bókin er skreytt fjölda svarthvítra teikninga eftir höfundinn sjálfan sem bregður fyrir hér og þar í textanum. Eins og við er að búast í bók eftir Sigrúnu eru teikningarnar eins og best verður á kosið og gefa sögunni meira líf. … Við Iðunn Soffía mælum með bókinni, eins og áður segir, og munum örugglega lesa hinar bækurnar úr seríunni líka.“
Eyja Margrét Brynjarsdóttir / Druslubækur og doðrantar
Bjarni Guðmarsson –
„Sagan er í senn raunsæ og gædd ævintýraljóma. Dreki sem stekkur úr málverki og dvergar sem spranga um er sjálfsagt mál á sama tíma og hleypidómum fullorðna fólksins eru gerð góð skil. Bókin er fallega myndskreytt af höfundi og samsvara myndirnar textanum vel. Listasafnið er skemmtileg og spennandi lesning og ætti að höfða vel til barna á þeim aldri sem hún er ætluð, 8 – 12 ára.“
Linda Hrönn Þórisdóttir / Hafnarfjörður
Bjarni Guðmarsson –
„Listasafnið er mjög skemmtileg og ævintýraleg bók, hún er frábær fyrir krakka á aldrinum 7-12 ára.“
Harpa Reynisdóttir / DV
Bjarni Guðmarsson –
„Sagan fléttar skemmtilega saman þætti úr þjóðararfinum – hér eru bæði afturgöngur og álfar – við hreina fantasíu og hefur góðan boðskap fram að færa, einkum sem lýtur að umburðarlyndi og víðsýni. Þá stendur bókin vel ein og sér þó hún komi í kjölfar hinna safnabókanna, en vitaskuld er skemmtilegast að lesa allar þrjár.“
Jón Agnar Ólason / Morgunblaðið