Maya Vidal er hamingjusöm hjá afa og ömmu í Kaliforníu þangað til hún missir afa sinn sextán ára gömul. Amma leggst í þunglyndi og eftirlitslaus lendir Maya í afleitum félagsskap, drykkju og dópi.

Svo djúpt sekkur hún í glæpafenið að þegar „verndari“ hennar í glæpaheimum er myrtur eru ekki aðeins félagar hans á eftir henni heldur alríkislögreglan líka. Maya flýr til Chiloé-eyja lengst undan suðurströnd Chile og þar rifjar hún upp þessi átakamiklu unglingsár, umlukin töfrandi fagurri náttúru og harmrænni sögu chilesku þjóðarinnar. En þegar hún virðist loks hafa höndlað hamingjuna nær fortíðin í skottið á henni. Undan henni verður ekki komist án uppgjörs.

Sigrún Á. Eiríksdóttir þýddi.

„... djörf, meinfyndin og nístandi saga um kynferðisofbeldi, pólitísk grimmdarverk, þjóðarskömm og myrk fjölskylduleyndarmál ...“
Booklist

„Allende er meistari í að toga í hjartaræturnar.“
Kirkus Review