Skuggi er ung leðurblaka, stubburinn í nýlendunni. Hann er ákveðinn í að sanna sig á hinu langa og hættulega ferðalagi suður í Vetrarhíði, milljónir vængjaslátta í burtu. Í óveðri hrekst hann út yfir sjóinn, burt frá fjölskyldu og vinum og því lífi sem hann þekkir. Hræddur og einmana tekst hann á hendur makalausa ferð til að hafa uppi á nýlendunni . . . Höfundur hefur hér skapað óvenjulega söguhetju sem ferðast á nóttunni og sér bæði með augum og eyrum. En það er freistandi að gægjast aðeins á sólina. Æsispennandi bók sem hefur hlotið ótal verðlaun.