Höfundur: Anne Holt

Emilie, níu ára, hverfur á leið heim úr skólanum. Eftir liggur skólataskan hennar og lítill fíflavöndur. Sex dögum síðar er litla drengnum Kim rænt úr rúminu sínu.

Inger Johanne Vik vinnur við rannsóknir. Hún er jafn miður sín yfir barnsránunum og aðrir í nágrenninu en þegar Yngvar Stubø, yfirmaður í rannsóknarlögreglunni í Osló, biður hana um aðstoð við að upplýsa málið neitar hún í fyrstu þótt hún hafi starfað í FBI og sé bæði lögfræðingur og sálfræðingur að mennt.

En þegar enn eitt barnið hverfur úr strætisvagni nr. 20 í Osló, á háannatíma og án þess að nokkur hafi séð neitt óvanalegt, taka málin nýja stefnu.