Þóra biskups og raunir íslenskrar …

Sigrún Pálsdóttir
Útgefandi: JPV
Gerð ÚtgáfuárSíðurVerðMagn
Innbundin 2010 278 Verð 3.100 kr.
spinner
Hljóðbók 2021 App Verð 1.290 kr. Setja í körfu

Þóra biskups og raunir íslenskrar …

Sigrún Pálsdóttir
Útgefandi : JPV

Verð frá 1.290 kr.

Þóra biskups
Gerð ÚtgáfuárSíðurVerðMagn
Innbundin 2010 278 Verð 3.100 kr.
spinner
Hljóðbók 2021 App Verð 1.290 kr. Setja í körfu

Um bókina

Stúlkan sem sagðist ævinlega til í „sukkið“, gat elskað tvo menn í einu … kúrði til klukkan ellefu og sat annars hugar undir guðs orði … er komin hátt á sjötugsaldur. Hún er komin óravegu frá hinu óhaggandi samfélagi embættismanna um miðja nítjándu öld; hinum formfasta heimi landshöfðingja tímans. Óravegu frá léttleika æskunnar í húsinu á horni Austurstrætis og Pósthússtrætis, húsinu sem brátt mun brenna til kaldra kola.

Ævi og örlög Þóru Pétursdóttur Péturssonar biskups yfir Íslandi og eiginkonu Þorvaldar Thoroddsen náttúrufræðings eru líklega mátulega stór fyrir samtíma okkar.

Saga hennar segir frá kjólum og karlmönnum, draumum og glæstum vonum; grátbroslegum stundum í lífi lítillar þjóðar. Þetta er saga um tungumál og tjáningu, um þörf og hæfileika kvenna á síðari hluta nítjándu aldar til að búa til margradda frásögn um umhverfi sitt og þetta tímabil sögunnar sem þrátt fyrir allar ljósmyndirnar og textana er hljóðlaust og frosið.

ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafraHér má lesa meira um hljóðbækur fyrir appið.

Hljóðbókin er 7 klukkustundir og 12 mínútur að lengd. Steinunn Ólína Þorsteinsdóttir les.

 

****
„Þessa sögu segir Sigrún af miklu innsæi og hinar drjúgu heimildir gera henni kleift að nálgast persónu Þóru og samferðamanna hennar án þess að taka sér skáldaleyfi. Hún hefur gott auga fyrir hinu forvitnilega og dregur oft fram smáatriði sem hafa víða skírskotun. Þótt rúm öld sé liðin frá þeim atburðum, sem lýst er í bókinni, virðist Þóra standa okkur mun nær í tíma; oft gáski í skrifum hennar … mun meira en ævisaga … [Sigrún] gerir hinu hversdagslega – áhyggjum af kjólum og vangaveltum um karlmenn – ekki síður hátt undir höfði en hinum örlagaríkari þáttum. Fyrir vikið verður sagan fyllri og blæbrigðaríkari …“
Karl Blöndal / Morgunblaðið

„… í bókinni dregur Sigrún upp mjög skemmtilega mynd af þeim parti lífsins í Reykjavík (og Kaupmannahöfn) sem ekki er oft að finna í sögulegum yfirlitsritum eða ævisögum. Þetta er eins og að rekast á stór stykki úr púsluspili fortíðinnar sem við höfum hingað til hirt lítið um. Og eiginlega er ánægja Sigrúnar af því að skrifa ein ánægjulegasta reynslan af því að lesa þessa bók! Hún er skrifuð af ísmeygilegri gleði, einhvern veginn.“
Illugi Jökulsson /

„Frábær bók. Heldur spennu og styrk alveg til enda. Frásögnin er hröð, fjörleg, svolítið gamansöm án þess að reyna nokkuð á sig til að vera fyndin. Fræðilega er líka veruleg nýjung að þessari bók. Þar birtist fágæt mynd af tilveru ógiftrar stúlku í borgarastétt.“
Gunnar Karlsson, prófessor emeritus við Háskóla Íslands

[domar]

„Ævisaga Þóru er merkileg … ber bókin því vitni að hún var skemmtileg og lífsglöð kona þótt hún mætti, eins og allir menn þessa tíma, þola ótímabær andlát sinna nánustu, veikindi, fjárhagslega erfiðleika allt í kringum sig.“
Páll Baldvin Baldvinsson / Fréttatíminn

„Ef það er einhver bók sem þið viljið lesa um þessi jól þá er það þessi bók … óstjórnlega skemmtileg og svo áhugaverð að ég hef ekki getað hætt að hugsa um hana … hvet alla til að lesa … “
Skorningar / RÚV

„Hér er ekkert fjasað eða fabúlerað út í loftið, hver einasta fullyrðing er studd með tilvísun, en samt er frásögnin lifandi og áreynslulaus. Ýmsir þræðir eru raktir út frá meginfrásögninni … afdrif aukapersóna eða manna sem koma við sögu á einhverju stigi málsins eru gjarna rakin stuttlega en skilmerkilega … Þetta er mjög smekklega gert og síst til þess fallið að flækja málin. Þessi innskot bera fyrst og fremst vott um frásagnargleði, fræðsluhvöt og það sem virðist vera ástríða höfundar fyrir efninu.“
Hjalti Snær Ægisson / Víðsjá, RÚV

„Sigrún beitir vandasamri aðferð sem gengur alveg upp. Hún heldur bókinni knappri og nálgast tilfinn­inga­þrungin atriði af hiklausri smekkvísi. Verk unnið af óvenjulegu öryggi, bæði nákvæmt um efnisatriði og skýrt í framsetningu. Vönduð fræðimennska.“
Helgi Skúli Kjartansson, prófessor í sagnfræði við Háskóla Íslands

„Var að ljúka við bók Sigrúnar Pálsdóttur um Þóru biskups og hún er algjör snilld. Gat varla lagt hana frá mér. Sagan verður svo ljóslifandi hjá Sigrúnu að hrein unun er að lesa. Ekki láta þessa bók fram hjá ykkur fara.“
Halldóra Viktorsdóttir

„Sigrún Pálsdóttir dregur upp áhugaverða og nokkuð skemmtilega lýsingu af lífi heldrimannadætra í embættismannastéttinni sem var að myndast á þessum tíma. Það er skemmtilegt að fylgjast með áhyggjum ungra meyja af hjúskaparmálum og eilífu slúðri hver sé með hverjum og eilífar afneitanir Þóru um að vera áhugasöm um nokkurn mann … Bókin í heild hin ágætasta aflestrar … Kápan er vel heppnuð, bæði hvað myndaval varðar og textagerð, og raunar það sem varð þess valdandi að ég vildi lesa bókina.“
Brynjólfur Þór Guðmundsson / Miðjan

„Mikið öfunda ég þig að eiga eftir að lesa þessa snilldarbók. Meira að segja tilvísanirnar voru gefandi og skemmtilegar.“
Sólveig Ólafsdóttir, sagnfræðingur og framkvæmdastjóri ReykjavíkurAkademíunnar

„Mjög hrifin … fallega og smekklega dregin upp góð og skýr mynd af Reykjavík … og Þóru … mjög áhrifamikil mynd af fjölskyldunni … mjög læsileg … höfðar til stórs lesendahóps … tilgerðarlaus.“
Kolbrún Bergþórsdóttir / Kiljan

„Bókin er bráðskemmtileg aflestrar. Sigrún er skemmtilegur stílisti með gott auga fyrir skondnum hliðum söguefnisins …”
Friðrika Benónýsdóttir / Fréttablaðið

„…myndin sem smátt og smátt kemur í ljós er algjörlega einstæð … merkilegt verk og á eftir að standa … einstakt verk um íslenska konu frá þessum tíma … stórmerkilegt innlegg í frumsögu íslenskrar borgarastéttar.“
Sigurður G. Tómasson / ÍNN

„Sigrún býr til sögumannsrödd sem ég hefði fyrirfram haldið að sagnfræðingar gætu ekki búið til … hið víðara samhengi sögunnar leynist undir yfirborðinu sem einskonar samræðuviðmælandi“
Viðar Hreinsson rithöfundur

„Það er óhætt að mæla með bókinni um Þóru biskups. Frásögnin er lifandi og persónurnar heillandi. Bók Sigrúnar … er skemmtileg aflestrar og fróðleg.“
Silja Bára Ómarsdóttir / Stjórnmál og stjórnsýsla, vefrit

[/domar]

 

Tengdar bækur

Vigdís Jack
Vigdís Jack
Verð 5.990 kr.
Verðandi
Verðandi
Verð frá 3.390 kr.
Myndir á háalofti
Myndir á háalofti
Verð 5.990 kr.
Veruleiki draumanna
Veruleiki draumanna
Verð 3.100 kr.
Kaupmaðurinn á horninu
Verð frá 1.190 kr.
Saga þeirra, sagan mín
Saga þeirra, sagan mín
Verð 5.905 kr.

Mánudaga til föstudaga frá kl. 10-18
Laugardaga frá kl. 11-17

Sími í verslun á Fiskislóð 39: 575 5636

Sími á skrifstofu á Bræðraborgarstíg: 575 5600

Fylgstu með á facebook!

2021 © Forlagið | Bræðraborgarstíg 7, 101 Reykjavík | Sími 575 5600 | forlagid@forlagid.is | www.forlagid.is

INNskráning

Nýskráning

nýskráning