Þú ert hér://TMM 3. hefti 2016

TMM 3. hefti 2016


Út er komið þriðja hefti ársins af TMM sem að þessu sinni er stýrt af skáldinu Sjón með núverandi ritstjóra Guðmundi Andra Thorssyni.

Heftið er að mestu helgað spurningunni: Hvað er íslenskur rithöfundur? Þar er meðal annars að finna greinar eftir Halldór Guðmundsson um Albert Daudistel og Soffíu Gunnarsdóttur um Helgu Novak en báðir bjuggu þessi þýsku höfundar hér á landi um hríð á síðustu öld; Birna Bjarnadóttir bregður ljósi á hlutskipti tveggja vesturíslenskra höfunda, Guttorms Guttormssonar og Lauru Goodman Salverson og Jón Yngvi Jóhannsson segir frá Þorsteini Stefánssyni, íslenskum rithöfundi sem starfaði í Danmörku.

Ólafur Jóhann Ólafsson hugleiðir hlutskipti íslensks rithöfundar sem býr í New York en  íslensk-þýski höfundurinn Kristof Magnusson bregður ljósi á alþjóðlegt eðli rithöfundarstarfsins í skemmtilegri frásögn af boði hjá Angelu Merkel. Rússneska ljóðskáldið Olga Alexandersdóttir Markelova segir frá ljóðagerð sinni á íslensku og birtir nokkur ljóð eftir sig, Elías Knörr skrifar um tungumálið og ljóðlistina  og íslensk-kanadíska ljóðskáldið a. Rawlings veltir vöngum yfir því hvernig eigi að vera útlend í tungumáli í hugleiðingu, sem Kári Tulinius þýddi um austurrísku skáldkonuna Melittu Urbanic.

Í heftinu eru auk þess ljóð eftir Gerard Lemarquis og Eric Boury og sögur eftir Marjöttu Ísberg,  Beatriz Portugal í þýðingu Sigurlínar Bjarneyjar Gísladóttur, Ewu Marcinek í þýðingu Helgu Soffíu Einarsdóttur og Joachim B. Schmidt í þýðingu Bjarna Jónsson.

Einnig eru sögur og ljóð í heftinu, umsagnir um bækur eru  á sínum stað og hugvekja eftir Einar Má Jónsson.

Verð 2.290 kr.

Gerð SíðurÚtgáfuárVerðMagn
Mjúkspjalda1442016 Verð 2.290 kr.
Vörunúmer: Á ekki við

Sækja í verslun: Frítt

Sendingargjald: Frá 590 kr.

Flokkar: /