Höfundur: James M. Cain

Walter Huff er slunginn tryggingasölumaður. Dag einn verður frú Phyllis Nirdlinger á vegi hans. Hún vill kaupa slysatryggingu fyrir eiginmann sinn. Í kjölfarið lætur hún í ljós áhuga á að eiginmaður hennar verði fyrir slysi. Walter laðast að Phyllis. Til að vinna hug hennar skipuleggur hann hið fullkomna morð — og svíkur öll sín lífsgildi.

Mögnuð skáldsaga um undirferli, sektarkennd og tortímandi ást.

James M. Cain er einn af meisturum harðsoðna-skólans í bandarískum bókmenntum. Tvær frægustu bækur hans eru Tvöfaldar tjónabætur (Double Indemnity) og The Postman Always Rings Twice. Eftir báðum þessum bókum hafa verið gerðar frægar kvikmyndir.