Í flottasta hverfi, stærstu borgar veraldar, Lyos-borgar, hefur útsjónarsamur þjófur stolið dýrgrip frá valdamiklum töframeistara. En það er bara byrjunin, því engin þorir að kaupa þennan dýrgrip og þjófurinn lendir í ótrúlegasta klandri þegar hann reynir að losa sig við hann. Það virðist sem allir séu á eftir honum, löggæslan, glæpagengin, töfraliðið, vampírurnar og hann þarf á öllum sínum hæfileikum að halda til að sleppa lifandi!

Þeir sem þekkja íslenskar fantasíubókmenntir kannast líklegast við Vegus Vespríus, þann óforbetranlega og orðljóta meistaraþjóf úr bókunum Fimm þjófar og Lavander á ferð. Nú stígur þessi sjarmerandi brjálæðingur fram sem aðalpersóna í verki samið af Jóni Páli Björnssyni og Sunnevu Guðrúnu Þórðardóttur.