Í bókinni er rætt við samferðafólk okkar sem hefur horfst í augu við sorgina og þurft að heyja glímu sem fæstum er létt. Einstaklingarnir í bókinni segja heiðarlega frá og á opinskáan hátt. Þetta er lesning sem getur tekið á en hún er holl. Sérstaklega er lærdómsríkt að fræðast um bjargráðin, aðferðirnar sem þetta góða fólk notaði til þess að lifa með sorginni og vinna úr henni.
Þetta er bók sem knýr þig til að taka þér lestrarhlé og ígrunda og láta hugann reika um stöðu mannsins frammi fyrir tilfinningum sem mun heimsækja okkur öll áður en yfir lýkur. Þetta er bók sem stendur undir nafni því hvar sem þú ert og hvernig sem á stendur mun hún lána þér von.