Frelsi
| Gerð | Útgáfuár | Síður | Verð | Magn | |
|---|---|---|---|---|---|
| Mjúk spjöld | 2015 | 65 | 3.390 kr. |
| Gerð | Útgáfuár | Síður | Verð | Magn | |
|---|---|---|---|---|---|
| Mjúk spjöld | 2015 | 65 | 3.390 kr. |
Um bókina
Frelsi er sjötta ljóðabók Lindu Vilhjálmsdóttur. Fyrstu ljóð Lindu birtust í blöðum og tímaritum en fyrsta ljóðabók hennar, Bláþráður, kom út 1990.
Frelsi geymir um fimm tugi beittra, pólitískra ljóða: meitlaðar og áhrifaríkar ljóðmyndir spegla samfélag og samtíma, og þvinga jafnvel lesandann til miskunnarlausrar sjálfsskoðunar. Áleitin bók sem hreyfir við hugsunum og tilfinningum.
6 umsagnir um Frelsi
Bjarni Guðmarsson –
„Linda er skarpur þjóðfélagsrýnir … Ljóð Lindu veita engla líkn, en þau segja tæpitungulaust af hverju við þjáumst. Og hvetja okkur til að lækna okkur. Umsvifalaust!“
Guðríður Haraldsdóttir / Vikan
Bjarni Guðmarsson –
„Sérstaða hennar er fólgin í frumleika og víðu sjónarhorni ásamt tjáningarmáta og áhrifum sem aðeins ljóðið getur miðlað. Bókin er mikilvæg varða á þeirri troðnu góðærisslóð sem við Íslendingar fetum um þessar mundir. … Þegar eitt af okkar helstu skáldum skrifar bók sem þessa og tekur sér níu ár til þess þurfum við að hinkra við og leggja við hlustir.“
Sigurlín Bjarney Gísladóttir / hugras.is
Bjarni Guðmarsson –
„Ljóðabók ársins.“
Árni Matthíasson / Morgunblaðið
Bjarni Guðmarsson –
„Meitluð kaldhæðni og rosalega nákvæmni með allt og auðvitað kraumandi reiði yfir því hvert við erum komin sem mannkyn, sem Íslendingar, sem fólk … Ég er búinn að fara yfir margar af ljóðabókum flóðsins og þetta er bókin.“
Þorgeir Tryggvason / Kiljan
Bjarni Guðmarsson –
„Þetta er ekki ein af þessum ljóðabókum sem eru að koma út, þetta er ljóðabókin þessi jól … Þetta er svo vel unnið, vel hugsað að mér finnst ekki nein bók vera í sömu tröppu í stiganum og þessi … Feminískt, pólitískt og mjög kröftugt … Textinn er alveg silfurtær … Ofboðslega áhrifamikil og vel unnin bók … Það er skandall ef hún er ekki [tilnefnd til Íslensku bókmenntaverðlaunanna].“
Friðrika Benónýsdóttir / Kiljan
Bjarni Guðmarsson –
„Ljóðmælandi ræðst til atlögu við táknmyndir óbreytts ástands og sinnuleysis: það má ekki láta sig vanta á þjóðhátíð, í brennuna, á neyðarmóttökuna. Þetta er eins afhjúpandi og það er háðskt. Hér er það frelsið til að horfast ekki í augu við veruleikann sem er til grundvallar, sami úthverfatónninn og í upphafi bókar en síngjarnari fyrir það að veruleikinn hefur sýnt sig vera annan en hann sýndist í fyrstu, að íslenski draumurinn er fals.“
Arngrímur Vídalín / DV