Þú ert hér://Smáa letrið

Smáa letrið

Höfundur: Linda Vilhjálmsdóttir

Smáa letrið er sjöunda ljóðabók Lindu Vilhjálmsdóttur, kynngi mögnuð bók full af hárbeittum og sjóðandi femínískum byltingarljóðum um formæður og fjallkonur, dömur og druslur – konur fyrr og nú, „dæmdar í óskráða ánauð / allar sem ein“. Ljóðin eru hrein og bein, meitluð og leiftrandi kímin á köflum, og áhrifamáttur þeirra felst ekki síst í því hve rækilega þau afhjúpa ríkjandi ástand.

Síðasta bók Lindu, ljóðabókin Frelsi sem út kom 2015, hlaut einróma lof gagnrýnenda og einstakar viðtökur lesenda. Hún var verðlaunuð bæði heima og erlendis og meðal annars tilnefnd til Bókmenntaverðlauna Norðurlandaráðs. Einnig hlaut Linda verðlaun fyrir pólska þýðingu Frelsis á bókmenntahátíðinni „Evrópsk frelsisskáld“ vorið 2018.

Frá 1.990 kr.

Gerð SíðurÚtgáfuárVerðMagn
Rafbók - 2018 Verð 1.990 kr.
Mjúkspjalda 67 2018 Verð 3.390 kr.
Vörunúmer: Á ekki við

Sækja í verslun: Frítt

Sendingargjald: Frá 590 kr.

Flokkar: / / /

3 umsagnir um Smáa letrið

  1. Arnar Tómas

    „Æðisleg bók… Hún fangar á ofboðslega knappan hátt þessar myndir af öllu sem manni finnst óþægilegast og leiðinlegast við íslenskt samfélag en það er samt kímni í því.“

    Sunna Dís Másdóttir / Kiljan

  2. Arnar Tómas

    „…ljóðin eru sterk. Þau hrópa í hógværð sinni, líkt og bæld rödd sem brýst fram þegar síst varir. Þau bíta. Taka í hjartað. Heiðarleg og grimm. Kaldhæðin og hlý.“

    Ólína Kjerúlf Þorvarðardóttir / Fréttablaðið

  3. Arnar Tómas

    „…þegar bókin var búin, lagði ég hana varlega frá mér. Eins viðkvæm og hún er, en samt full af kvenlegum byltingarljóðum. Eins og kona. Viðkvæm en samt svo sterk.“

    Katrín Lilja / Lestrarklefinn

Skrifa umsögn

Netfang þitt verður ekki birt. Nauðsynlegir reitir eru merktir *

Eftir sama höfund