3 umsagnir um Bannað að drepa – ADHD #3

1. embla – 2. febrúar 2024

   „Í þessari þriðju bók í seríunni um Alexander er tekist á við stórar spurningar eins og titillinn ber með sér. Stríðsátök, sorg og missir eru í brennidepli en sagan hverfist um nýjan félaga Alexanders, Vola frá Úkraínu. Þessi flóknu málefni eru tækluð með húmor og hlýju þar sem sjónarhorn barnsins ræður för og lesandinn verður virkur þátttakandi í vangaveltum Alexanders. Þar tvinnast vel saman alþjóðlegur atburður og áhrif hans á líf venjulegs fólks á átakasvæðinu og hér heima á Íslandi. Þrátt fyrir grafalvarlegt söguefnið einkennist sagan af leiftrandi frásagnargleði, sem fjörlegar myndir Ránar Flygenring ýta svo enn frekar undir. Eins og í fyrri bókunum er persónusafnið fjölbreytt og litríkt og atburðarásin er spennandi. Bannað að drepa er bók sem er skrifuð af skilningi á hugarheimi barna og virðingu fyrir margbreytileika mannlífsins. Hún veitir ekki endilega einhlít svör við öllum spurningum en býður svo sannarlega upp á lifandi samræður barna og fullorðinna sem lesa hana saman.“
   Umsögn dómnefndar Íslensku bókmenntaverðlaunanna

2. embla – 4. desember 2023

   „Stórkostlega fyndin, einlæg og átakanleg frásögn sem spilar á allan tilfinningaskalann. Sagan, sem tekur áreynslulaust á málefnum líðandi stundar, er skemmtilega myndlýst, auðlesin og persónusköpun höfundar einstök.“
   Umsögn dómnefndar Íslensku bókmenntaverðlaunanna

3. embla – 28. nóvember 2023

   „Flókin tungumálasúpan sem skapast í fjölþjóðlegu samfélagi fær gott rými en ljóst er að allt er hægt ef viljinn er fyrir hendi enda skapar Gunnar falleg sambönd þvert á menningu og tungumál.“
   Ragnheiður Birgisdóttir / Morgunblaðið

Lesa fleiri umsagnir