Á hlýju ágústkvöldi í Hagfors brennur einbýlishús til grunna. Rúmlega fertug kona lætur lífið. Í fyrstu er talið að eldingu hafi lostið í húsið en brátt kemur í ljós að um íkveikju var að ræða. Nokkrum dögum síðar kviknar í húsinu við hliðina. Og síðan í enn einu.
Ótti grípur um sig meðal íbúanna í þessum litla bæ í Värmlandi. Hvar brennur næst? Lögreglan er ráðþrota. Blaðakonan Magdalena Hansson fer á stúfana. Áður en varir er hún komin á kaf í æsilega og stórhættulega leit að sökudólgnum.
Elín Guðmundsdóttir íslenskaði.
Drengurinn sem hætti að gráta er sjálfstæð bók í hinni margrómuðu Hagfors-seríu eftir sænsku glæpasagnadrottninguna Ninni Schulman um blaðakonuna Magdalenu Hansson. Fyrri bækurnar í seríunni eru Stúlkan með snjóinn í hárinu, Leyndarmálið okkar, Velkomin heim og Þegar allar klukkur stöðvast, sem allar hafa fengið frábærar viðtökur íslenskra lesenda.