Höfundar: Christopher Paolini, Guðni Kolbeinsson

Eragon finnur gljáfagran bláan stein í skóginum og heldur að hann geti kannski keypt vetrarforða af kjöti fyrir hann. En þegar steinninn fagri reynist vera egg sem drekaungi klekst úr verður ljóst að sveitapilturinn ungi hefur rekist á forna arfleið drekariddaranna, næstum jafngamla sjálfu Veldinu. Á einni nóttu gjörbreytist fábrotið líf piltsins og hann dregst inn í ógnvekjandi nýjan heim stórbrotinna örlaga, töfra og valdabaráttu. Örlög Veldisins eru hugsanlega í höndum hans …

Christopher Paolini hefur alla tíð hrifist af ævintýrum og vísindaskáldsögum. Þessi hrifning varð til þess að hann byrjaði á þessari fyrstu skáldsögu sinni þegar hann lauk menntaskólanámi, 15 ára að aldri. Frá því að bókin kom út var hún 98 vikur á metsölulista New York Times, og það má með sanni segja að aldrei fyrr hefur skáldverk eftir svo ungan höfund notið eins mikilla vinsælda.

Guðni Kolbeinsson þýddi.