Eydís gerist á „eitís“ tímabilinu, þegar diskó var allsráðandi, ýktir herðapúðar voru í tísku og glimmer flaut um allt. Bjór var bannaður, bjórlíki, blanda af pilsner og vodka var selt á skemmtistöðum og litríkir kokkteilar vinsælir. Sjónvarpsdagskráin hófst með kvöldfréttum og ein sjónvarpsstöð var starfandi. Ekkert sjónvarp á fimmtudögum. Skemmtistaðir voru fáir en stórir, t.d. Hollýwood, Safarí, Óðal og Broadway. Og ljósið við barinn var fjólublátt.

Oddbjörg Ragnarsdóttir (f. 1959) sendir hér frá sér sína fyrstu skáldsögu. Hún er menntuð í leikskólafræðum, hefur stundað nám í skapandi skrifum og er með BA próf í dönsku.