Höfundur: Arnaldur Indriðason

Mannabein finnast í grunni nýbyggingar í útjaðri Reykjavíkur og líkur benda til að glæpur hafi verið framinn. Beinin virðast nokkurra áratuga gömul og sérfræðingar eru fengnir til að grafa þau upp en samtímis hefur lögreglan leit að fólki sem gæti vitað eitthvað um málið.

Lögreglumennirnir Erlendur, Sigurður Óli og Elínborg eiga erfitt verkefni fyrir höndum en smám saman skýrist myndin; fortíðin er grafin upp úr moldinni, upp úr gömlum pappírum, upp úr fylgsnum hugans – og brotin raðast saman í helkalda, óvænta harmsögu.

Grafarþögn er fjórða bók Arnaldar Indriðasonar, trúverðug, spennandi og áhrifamikil. Hún hefur aflað höfundi sínum margvíslegra viðurkenninga. Fyrir hana hlaut hann norrænu glæpasagnaverðlaunin Glerlykilinn og sömuleiðis afar virt bresk verðlaun, Gullrýtinginn.

Bækurnar um Erlend Sveinsson rannsóknarlögreglumann eru hér tölusettar eftir innri tímaröð sögunnar, Einvígið: Erlendur #1 gerist árið 1972 en Furðustrandir: Erlendur #14 2005. Útgáfuár bókanna eru innan sviga.

ATH. Hljóðbókin er streymishljóðbók (Streymi) sem er afhent rafrænt og hægt er að hlusta á beint í gegnum app Forlagsins eða vafra. Hér má lesa meira um hljóðbækur í streymi.

Hljóðbókin er um 7 klukkustundir í hlustun. Sigurður Skúlason leikari les.