Bæta á óskalistaEr á óskalista
Bæta á óskalista
Hafnfirðingabrandarinn
| Gerð | Útgáfuár | Síður | Verð | Magn | |
|---|---|---|---|---|---|
| Innbundin | 2014 | 432 | 4.140 kr. | ||
| Kilja | 2015 | 432 | Original price was: 3.390 kr..990 kr.Current price is: 990 kr.. | ||
| Rafbók | 2015 | 990 kr. |
| Gerð | Útgáfuár | Síður | Verð | Magn | |
|---|---|---|---|---|---|
| Innbundin | 2014 | 432 | 4.140 kr. | ||
| Kilja | 2015 | 432 | Original price was: 3.390 kr..990 kr.Current price is: 990 kr.. | ||
| Rafbók | 2015 | 990 kr. |
Um bókina
„Ég heiti Klara og bý í svínastíu í Hafnarfirði. Alla virka daga er ég vistuð á stofnun með öðrum unglingum úr hverfinu. Stofnunin heitir Víðistaðaskóli og stendur á afskekktum stað úti í miðju hrauni. Þar dvel ég á deild með hinum fimmtán ára brjálæðingunum í tíundabekk.“
Í desember árið 1999 er Klara skilin eftir hjá ömmu sinni á meðan foreldrar hennar fara í heilsubótarferð til Kanaríeyja. Fram undan er jólaball skólans, vinsældakosningar og fjölmörg stefnumót á eina kaffihúsinu í bænum en einnig kynnist Klara öldruðum ættingjum sínum sem hafa undarlega og áhrifaríka sögu að segja.
Bryndís Björgvinsdóttir hlaut Íslensku barnabókaverðlaunin fyrir bók sína Flugan sem stöðvaði stríðið. Hafnfirðingabrandarinn er drepfyndin saga fyrir unglinga á öllum aldri.
Hafnfirðingabrandarinn er handhafi bókmenntaverðlaunanna í flokki barnabóka og bóksalar völdu bókina bestu íslensku ungmennabók ársins.
Bryndís er handhafi Fjöruverðlaunanna 2014 í flokki barnabóka og hlaut einnig barnabókaverðlaun skóla- og frístundaráðs Reykjavíkur.
7 umsagnir um Hafnfirðingabrandarinn
Kristrún Heiða Hauksdóttir –
Rökstuðningur dómnefndar Fjöruverðlaunanna: „Hafnfirðingabrandarinn eftir Bryndísi Björgvinsdóttur er vel skrifuð og skemmtileg. Hún kemur inn á samskipti kynslóða og dregur upp óvenju margbrotnar og flóknar sögupersónur af eldri kynslóðinni, sem flóknu og skemmtilegu fólki sem væri gaman að kynnast. Heimur eldri borgara er gerður merkingarbær og spennandi fyrir ungt fólk og veitt er ný og óvenjuleg innsýn í líf þeirra, sem aðalsöguhetjan Klara getur notað til að máta sig og sín lífsgildi við … Þessi bók snertir á viðkvæmum málefnum eins og einelti, kvíðaröskun unglinga, ástina og ástarsorgina og fjallar um þessi mál á rausæislegan hátt, án þessa að bjóða upp á einfaldar lausnir.“
Kristrún Heiða Hauksdóttir –
„Bráðfyndin og stórskemmtileg bók …“
Guðríður Haraldsdóttir / Vikan
Kristrún Heiða Hauksdóttir –
„Sérlega góð unglingabók. Unglingaskáldsagan Hafnfirðingabrandarinn er afar fjörlega skrifuð, skemmtileg og fyndin og aðalpersónan er minnisstæð. Höfundurinn skrifar um ýmis alvarleg efni en predikunar verður ekki vart. Sérlega vel heppnuð unglingabók sem hefur slegið í gegn …“
Kolbrún Bergþórsdóttir / Morgunblaðið
Kristrún Heiða Hauksdóttir –
Undir niðri má segja að sagan fjalli um að kynnast sjálfum sér og átta sig á því oft eru hlutirnir öðruvísi en þeir virka á yfirborðinu. Pælingar Klöru um lífið eru trúverðugar og vekja lesandann til umhugsunar. Hún hrífur lesandann með sér í gegnum söguna, sem er sannfærandi innsýn í hugsanir og líf 15 ára unglings um aldamótin.
María Bjarkadóttir / Bókmenntir.is
Kristrún Heiða Hauksdóttir –
„Persónur bókarinnar eru fjölbreytilegar, skemmtilegar og sannfærandi … Það er enda aðall góðra unglingabóka að kalla fram hið persónulega í lesandanum og það tekst Bryndísi Björgvinsdóttur að gera … Þetta er falleg bók, fyndin og góð.“
Arngrímur Vídalín / DV
Kristrún Heiða Hauksdóttir –
„[Hafnfirðingabrandarinn] er frábær. Vægast sagt. Fyrst fannst mér hún næstum því of fyndin en svo fléttar höfundur alls konar dramatík snilldarlega inn í söguþráðinn … Vel skrifuð, drepfyndin og spennandi saga sem bæði unglingar og fullorðnir ættu að geta gleymt sér í.“
Halla Þórlaug Óskarsdóttir / Fréttablaðið
Kristrún Heiða Hauksdóttir –
„… stórskemmtileg bók sem segir sögu af stórskemmtilegri stúlku … einkar skemmtileg söguhetja, heilsteypt, trúverðug og bráðskörp stelpa … og fyrirtaks sögumaður.“
Árni Matthíasson / Morgunblaðið