Þú ert hér://Heiðra skal ég dætur mínar – frásögn föður um morð á eigin barni

Heiðra skal ég dætur mínar – frásögn föður um morð á eigin barni

Höfundur: Lene Wold

Heiðra skal ég dætur mínar eftir Lene Wold hefur fengið mikið umtal í Noregi og Danmörku og fjallar um gerendur og fórnarlömb heiðursmorða í Jórdaníu.

Lene Wold hefur varið miklum tíma í Jórdaníu undanafarin þrjú ár með föður sem drap móður sína og aðra af tveimur dætrum sínum til að endurheimta heiður fjölskyldunnar. Wold hefur rætt við dótturina, sem lifði af tilræðið og sat í fangelsi í mörg ár á eftir til að hljóta vernd fyrir eigin fjölskyldu. Höfundurinn hefur heimsótt fangelsi og moskur, lesið blaðagreinar og dómsskjöl, og heimsótt ímana, þorpsleiðtoga og morðingja.

Með hjálp óvenjulegra heimilda lýsir hún hlið á heiðursmorðum sem hingað til hefur verið óþekkt. Við fáum söguna frá sjónarmiði gerandans og Wold sýnir fram á að heiðursmorð snúast ekki um íslam, heldur um hefðir og löggjöf sem er hægt að takast á við og breyta. Heiðra skal ég dætur mínar er sláandi frásögn um hvað það er sem fær föður til að setja gildi samfélagsins ofar lífi eigin barna. Þetta er sérstök og harmþrungin saga sem lætur lesandann ekki ósnortinn.

Lene Wold er blaðamaður og stjórnmálafræðingur. Hún hefur starfað fyrir dagblaðið The Independent og The Centre for Investigative Journalism í Englandi, og hefur búið og starfað í Miðausturlöndum. Hún er með meistaragráðu í fjölmiðlafræði frá Goldsmiths University of London, með bakkalárgráðu í þróunarfræðum frá Høgskolen í Osló, og hefur lært arabísku í Líbanon og Jórdaníu.

Verð 3.290 kr.

Gerð SíðurÚtgáfuárVerðMagn
Kilja - 2018 Verð 3.290 kr.
Vörunúmer: Á ekki við

Sækja í verslun: Frítt

Sendingargjald: Frá 590 kr.

Flokkar: / /