Hér birtist í tveimur bindum saga Faxaflóahafna en til þeirra teljast Reykjavíkurhöfn, Akraneshöfn, Borgarneshöfn og Grundartangahöfn. Ritunin nær ennfremur til sögu helstu hafna á svæðinu allt frá upphafi Íslandsbyggðar. Þar má nefna Hvítárvelli í Borgarfirði, hafnir í Hvalfirði, Straumfjörð á Mýrum og Þerneyjarsund. Saga hafnanna er verðugt viðfangsefni sem varðar sjálfar undirstöður samfélagsgerðarinnar og hvernig hafnir og starfsemin við þær mótuðu bæjarfélögin. Í þessu verki  gerir höfundurinn, Guðjón Friðriksson, þessari merku sögu skil með þeim hætti sem hann hefur getið sér frægðar fyrir í fyrri verkum.