Höfundur: Guðjón Friðriksson

Fyrir einni öld var íslensk alþýða í fjötrum fátæktar og áhrifalaus um eigin hag og framtíð. Við stofnun Alþýðuflokksins árið 1916 urðu straumhvörf; verkafólk, sjómenn og annað launafólk eignaðist öflugan málsvara sem leiddi baráttuna fyrir bættum kjörum og betra mannlífi. Segja má að þróun íslensks nútímaþjóðfélags hefjist á þessum árum og þar áttu Alþýðuflokkurinn og Alþýðusambandið stóran hlut að máli.

Hér rekur Guðjón Friðriksson sagnfræðingur sögu flokksins og brautryðjendanna, svo og arftaka þeirra allt til síðustu aldamóta; segir frá sókn til framtíðar, áföngum og sigrum, en einnig frá hörðum átökum innan flokks og utan, flóknum fléttum og klofningi. Öllu þessu er lýst á lifandi hátt í máli og myndum og dregin upp glögg mynd af litríkum persónuleikum og átakasögu 20. aldar.