Hjarta, tungl og bláir fuglar er önnur bókin í þríleik Vigdísar Grímsdóttur sem gefinn var út undir heitinu Þrenningin árið 2005, ásamt Frá ljósi til ljóss og Þegar stjarna hrapar.

Manneskjan er alltaf söm við sig – hvar í heimi sem er, hvaða nafni sem hún nefnist. Rósa eða Rósíta, Lenni, Edita, Flora, Luna og allir hinir eru fólk sem elskar, lýgur, hlær og fer í ótal skollaleiki, eins og við hin. En enginn hleypur frá sjálfum sér, syndir feðranna teygja sig víða og glíman við hið óhjákvæmilega tekur á sig forvitnilegar myndir.

Vigdís Grímsdóttir hefur einstakt lag á að afhjúpa veruleikann og veita innsýn í margræð samskipti manna. Seiðmagnaður frásagnarstíll hennar nýtur sín hér til fulls þegar fólkið úr bókinni Frá ljósi til ljóss tekst á við nýjan veruleika í litríku umhverfi – þar sem bláfuglar verpa í trjám og kraftaverkin gerast.