Bæta á óskalistaEr á óskalista
Bæta á óskalista
Kollhnís
| Gerð | Útgáfuár | Síður | Verð | Magn | |
|---|---|---|---|---|---|
| Innbundin | 2022 | 259 | 4.890 kr. | ||
| Rafbók | 2022 | 2.990 kr. |
| Gerð | Útgáfuár | Síður | Verð | Magn | |
|---|---|---|---|---|---|
| Innbundin | 2022 | 259 | 4.890 kr. | ||
| Rafbók | 2022 | 2.990 kr. |
Um bókina
Álfur er fimleikastrákur úr Kópavogi; góður vinur, frábær sonur og besti stóri bróðir í heimi. Alveg þangað til mamma og pabbi fá þá flugu í höfuðið að Eiki bróðir hans sé einhverfur og Álfur stelst til þess að heimsækja Hörpu frænku, landsfrægu fimleikahetjuna sem fór á Ólympíuleika með skammarlegum árangri og enginn í fjölskyldunni talar lengur við.
Arndís Þórarinsdóttir hefur skrifað vinsælar barna- og unglingabækur, meðal annars um nærbuxnaverksmiðju, miðaldahandrit, mjólkurfernuskáld og blokk á heimsenda. Hún hefur hlotið Barnabókmenntaverðlaun Guðrúnar Helgadóttur, Íslensku bókmenntaverðlaunin og Vorvindaviður – kenningu IBBY, og verið tilnefnd til Barnabókaverðlauna Reykjavíkur og Barna- og unglingabókmenntaverðlauna Norðurlandaráðs.
ATH. Spurt og svarað um rafbækur.
9 umsagnir um Kollhnís
embla –
„Af eftirtektarverðri næmni, mannskilningi og ritfærni fjallar Arndís Þórarinsdóttir í bók sinni Kollhnís um brostnar vonir og væntingar, snúin fjölskyldutengsl, bróðurást og einhverfu. Bókin er í senn fyndin og falleg, hjartanístandi og raunsönn. Hún heldur lesanda frá upphafi og ætti að höfða til breiðs aldurshóps lesenda.“
Úr umsögn dómnefndar Barnabókaverðlauna Reykjavíkurborgar
embla –
„Í Kollhnís eftir Arndísi Þórarinsdóttur er hinn ungi Álfur fimleikastrákur aðalsöguhetjan og sögumaðurinn. Eftir því sem frásögn hans vindur fram kemur í ljós að sjónarhorn Álfs er ekki mjög áreiðanlegt enda neitar hann að horfast í augu við að litli bróðir hans sé einhverfur, að frænka hans eigi við fíknivanda að etja og að besti vinur hans sé lesblindur. Höfundur leikur fimlega á allan tilfinningaskalann og teflir fram sögumanni sem eignast hugi og hjörtu lesenda á öllum aldri. Sagan er í senn áhrifamikil, skemmtileg og spennandi en fyrst og fremst full af hlýju og mennsku.“
Umsögn dómnefndar Fjöruverðlaunanna
embla –
„Arndís hefur skrifað framúrskarandi bók sem óhætt er að mæla með fyrir öll í jólapakkann.“
Ingibjörg Iða Auðunardóttir / Morgunblaðið
embla –
„Áhugaverð, þörf og marglaga saga. Aðalpersónan tekst á við flóknar áskoranir og lesandinn er vakinn til umhugsunar um mikilvæg málefni á borð við einhverfu, einelti og ósætti innan fjölskyldu. Textinn flæðir mjög vel, húmorinn er sjaldnast langt undan og rödd sögumannsins skýr og ákveðin þótt hann lesi ekki alltaf rétt í aðstæður.“
Umsögn dómnefndar Íslensku bókmenntaverðlaunanna
embla –
„Kollhnís er áhrifamikil, vel skrifuð og mikilvæg bók í íslenska bókmenntaflóru, skemmtileg aflestrar og vekur umhugsun.“
Brynhildur Björnsdóttir / Fréttablaðið
embla –
„Kollhnís er meistaralega unnin hversdagssaga drengs sem spilar á allan tilfinningaskalann, er skrifuð af næmni og virðingu við viðfangefninu. Þetta er hreinlega rosalega vönduð og góð barnabók sem ég vona að rati í hendur allra þeirra sem þurfa hana. Og hinna líka.“
Katrín Lilja / Lestrarklefinn
embla –
„Einn af okkar allra fremstu barnabókahöfundum.“
Egill Helgason / Kiljan
embla –
„Mjög áhrifaríkt og vel gert … Ofsalega gaman að lesa þessa bók – bara fyrir mig.“
Þorgeir Tryggvason / Kiljan
embla –
„Þetta er svona barna-fullorðinsbók.“
Sunna Dís Másdóttir / Kiljan