Sólgos
| Gerð | Útgáfuár | Síður | Verð | Magn | |
|---|---|---|---|---|---|
| Rafbók | 2026 | - | 3.290 kr. | ||
| Innbundin | 2025 | 151 | 5.890 kr. | ||
| Mjúk spjöld | 2025 | 151 | 4.490 kr. |
| Gerð | Útgáfuár | Síður | Verð | Magn | |
|---|---|---|---|---|---|
| Rafbók | 2026 | - | 3.290 kr. | ||
| Innbundin | 2025 | 151 | 5.890 kr. | ||
| Mjúk spjöld | 2025 | 151 | 4.490 kr. |
Um bókina
Við vorum að gera okkur tilbúnar fyrir fyrsta ballið í 10. bekk þegar rafmagnið fór.
Allt símasamband líka. Netið. Um leið hættu bílarnir að virka – og flugvélarnar. Við vorum orðin ein í heiminum. En það hlyti að lagast?
Nokkrum dögum seinna sótti pabbi byssuna.
Þegar mánuður var liðinn var fólk farið að deyja og ljóst að veturinn yrði langur.
Þá hitti ég hana.
Sólgos er spennandi og áhrifarík unglingabók um samfélag þar sem allar reglurnar hafa horfið á einu bretti og ógnin er orðin helsti gjaldmiðillinn. Mitt í upplausninni má þó finna samstöðu, samkennd og heitar tilfinningar.
Arndís Þórarinsdóttir er fjölhæfur höfundur sem skrifar bækur fyrir fullorðna, ungmenni og börn. Hún hefur hlotið fjölda viðurkenninga fyrir verk sín, þar á meðal Íslensku bókmenntaverðlaunin, Fjöruverðlaunin og Barnabókaverðlaun Reykjavíkur. Hún hefur einnig verið tilnefnd til Barna- og unglingabókmenntaverðlauna Norðurlandaráðs og Þýsku barnabókaverðlaunanna.
Hægt er að nálgast frítt námsefni fyrir þessa bók með því að smella HÉR.
7 umsagnir um Sólgos
Fanney Benjaminsdottir –
Sólgos Arndísar Þórarinsdóttur er fantavel skrifuð bók um hvað gerist þegar heimurinn breytist á augabragði, ekkert er eins og það var og enginn veit hvað framtíðin ber í skauti sér. Með augum Unnar fylgjast lesendur með því hvernig er tekið á tækni- og samskiptahruni en líka því hvað verður um siðgæði og samkennd. Sólgos er næm saga um málefni sem snerta okkur öll og stóra spurningin er í raun: Hvað skiptir okkur mestu máli?
Úr umsögn dómnefndar Fjöruverðlaunanna
Fanney Benjaminsdottir –
„Á heildina litið er Sólgos því vel heppnuð ungmennabók sem spyr áleitinna spurninga og tekst á við snúið umfjöllunarefni af skerpu og einlægni. Hún setur lesandann í siðferðislega klemmu og skelfir inn að beini en veitir um leið von byggða á mannlegri gæsku, samkennd og fegurð sem, eins og reyndin hefur sýnt í gegnum söguna, getur þrifist jafnvel í harðneskjulegustu aðstæðum.“
Snædís Björnsdóttir / Morgunblaðið.
Fanney Benjaminsdottir –
„Sólgos er heilt yfir vel skrifuð unglingabók sem vekur lesendur til umhugsunar um fortíð, nútíð og framtíð. Framvindan er hröð og spennandi en spyr einnig krefjandi spurninga – spurninga sem við ættum öll að spyrja okkur, jafnt ungir sem aldnir.“
Unnur Steina K. Karls / Heimildin
Fanney Benjaminsdottir –
„Sólgos er snörp og áhrifamikil bók sem ég geri ráð fyrir að hitti í mark hjá ungu kynslóðinni. Frásögnin er sláandi og situr eftir í manni.“
Rebekka Sif Stefánsdóttir / Lestrarklefinn
Fanney Benjaminsdottir –
„Sólgos er frábær unglingabók sem smellpassar í jólapakkann!“
Alma / TBR Listinn hlaðvarp
Fanney Benjaminsdottir –
„Bara lesið hana, ekki aðeins ungmennabók. Grípandi, gífurlega vel skrifuð, dystopía, það er svo margt í henni.“
Bókagramm
Fanney Benjaminsdottir –
„Sagan er listilega vel skrifuð og vekur upp ýmsar siðferðislegar spurningar. Þó bókin sé vissulega skrifuð með ungmenni í huga á hún ekki síður erindi við fullorðið fólk og er bæði stutt og fljótlesin. Ég mæli hiklaust með Sólgosi fyrir öll yfir 12 ára aldri.”
Hrönn Soffíu Björgvinsdóttir / Akureyri.net