Edda er nýhætt að vinna og dauðleiðist tíðindalaus tilvera eftirlaunaþegans. Þegar hún kemur heim úr skammdegisferð til Kanaríeyja bíður hennar bréf frá ókunnugum Þjóðverja sem biður hana að hjálpa sér að finna mömmu sína, konu sem Edda skrifaðist á við á yngri árum en er nú stungin af, mögulega til Íslands. Edda tekur verkefninu fegins hendi en ættingjar hennar eru allt annað en kátir.
Á sama tíma vaknar menntaskólakennari á fertugsaldri upp við furðulegar aðstæður og þarf að komast að því hvort hún eigi sér mögulega óvildarmenn sem óska henni alls ills – jafnvel dauða.
Jónína Leósdóttir er þekkt fyrir skáldsögur sínar, fullar af hlýju og húmor. Hér sendir hún frá sér glæpasögu sem ber sömu einkenni og rígheldur lesanda allt til enda.
Nanna Rögnvaldardóttir –
„Spennandi og vel skrifuð afþreying sem gefur fyrirheit um skemmtilegt lesefni til framtíðar … Jónína Leósdóttir er einstaklega skemmtilegur rithöfundur … ég hlakka til að lesa um fleiri Eddumál.“
Brynhildur Björnsdóttir / Fréttablaðið
Nanna Rögnvaldardóttir –
„Konan í blokkinni er óvenjuleg glæpasaga, þar sem húmor er sem rauður þráður frekar en barátta góðs og ills … Frásögnin er létt, vel skrifuð og þægileg aflestrar.“
Steinþór Guðbjartsson / Morgunblaðið
Nanna Rögnvaldardóttir –
„Glettilega skemmtileg bók og skemmtilegur vinkill á að skrifa glæpasögu … til fyrirmyndar.“
Þorgeir Tryggvason / Kiljan
Nanna Rögnvaldardóttir –
„Mjög lipurlega skrifað og fléttað.“
Egill Helgason / Kiljan
Nanna Rögnvaldardóttir –
„… óskaplega spennandi og skemmtileg sakamálasaga … Þetta er ein af þeim bókum sem erfitt er að leggja frá sér fyrr en þær hafa verið lesnar til enda og persónurnar svo skemmtilegar að maður vonar sannarlega að maður fái að hitta þær aftur í annarri bók.“
Steingerður Steinarsdóttir / Vikan
Nanna Rögnvaldardóttir –
„Þrælskemmtileg saga með fullt af tvistum og óvæntu útspili.“
Anna Kristín Halldórsdóttir /