9. bindi í hinum magnaða flokki Margit Sandemo, RÍKI LJÓSSINS. Þar tengjast sögurnar um ÍSFÓLKIÐ og GALDRAMEISTARANN, í stórkostlegum heimi handan tíma og rúms.

Sunna af Ísfólkinu fékk aldrei að upplifa ástina á sinni stuttu, mennsku ævi. Nú óskaði hún þess af öllu hjarta að kynnast einhverjum til að elska.

En fyrst varð hún að gera grimmu nornina Gríseldu óskaðlega. Sú hafði falið sál sína og beið nú færis á því að snúa aftur og hefna sín á íbúum Ríkis Ljóssins…

MARGIT SANDEMO er fædd 23. apríl 1924 i Östre Toten i Noregi. Margit skrifar á sænsku og gaf út sína fyrstu bók árið 1964. Í allt hefur Margit skrifað meira en 170 bækur og er mest seldi rithöfundur Norðurlandanna með meira en 39 milljónir seldra bóka. Þar af hefur Sagan um Ísfólkið selst í um 25 milljónum eintaka um allan heim.